零卡之謎
市面上有越來越多標榜零卡嘅產品：零卡醬油、零卡噴油等等，而佢哋係咪真係好似營養標籤上所顯示咁係零卡路里呢？唔通我地真係俾錢買空氣？
事實上只要係營養標籤上所顯示每食用份量小於5卡路里就可以標籤為零卡路里。換句話說，市面上聲稱零卡既食品未必係零卡。以下就用頗受大家歡迎嘅零卡噴油為例：Pam噴油
佢係營養標籤上所顯每食用份量為0.25秒大概為0.27克所提供嘅卡路里為0 卡路里。一支噴油大概提供1464個每食用份量。而其實佢每100克含有792卡路里，當中包含79克脂肪、21克碳水化合物。以每次噴大概3至5秒為例，就佢會提供大概30至60卡路里。並唔係營養標籤上所顯示嘅零卡路里。
好多同類型嘅噴油或者醬汁豉油都聲稱係零卡路里，通常我哋以為係零卡又或者極低卡路里嘅產品，都會用得比較豪邁、變相攝取多於原本產品嘅建議每食用份量嘅卡路里。其實只要適當控制返每次嘅用量，呢類型產品的確方便我地降低卡路里攝取。又或者如果你要嚴格控制飲食，就記住計算返呢類型產品嘅用量啦！
圖文：Henice
#kofgym #nutritionfact #caloriesfree #zerocalories #零卡路里 #飲食控制 #飲食管理
Search